დღე მეშვიდე

   დავასრულეთ თამბაქოს ანტირეკლამა  ვიდეორგოლის სახით, ძალიან ვიწვალეთ, მაგრამ მაინც გამოგვივიდა...
  საბოლოოდ გადავავლეთ თვალი ჩვენს ბლოგს და მის დიზაინსაც, მცირეოდენი ცვლილებებიც შევიტანეთ. მაია მასწავლებლის რეკომენდაციებიც გავითვალისწინეთ, მას კიდევ ერთხელ მივმართეთ თხოვნით, რომ  მისეული შეფასება მოგვესმინა.

  განსაკუთრებულად გაგვახარა მაია მასწავლებლის გულით ნათქვამმა ერთმა ფრაზამ ,,ყოჩაღ ბავშვებო, ძალიან კარგად გიმუშავიათ, იმედი მაქვს გაიმარჯვებთ!!!"

დღე მეექვსე

  დავასრულეთ პროექტზე მუშაობა. დღეს დავახარისხეთ მოპოვებული ინფორმაცია, სხვადასხვა აქტივობის ამსახველი ფოტომასალა, შევიმუშავეთ რეკომენდაციები და განვათავსეთ ბლოგში ჩაშენებულ მოდულებში მათთვის განკუთვნილ ადგილას.

  ვაკეთებთ ანტირეკლამას რედაქტირებული ფოტოებისა და ვიდეორგოლის სახით, რომელსაც ხვალ დავასრულებთ, ხვალ კიდევ ერთხელ გადავხედავთ ბლოგის დიზაინსაც. ვფიქრობთ კარგი ბლოგი გამოგვივააა...

დღე მეხუთე

 

 საქართველოში საჯარო დაწესებულებებში  თამბაქოს მოწევა თურმე  იკრძალება.  იმის გასარკვევად, თუ როგორ იცავენ ამ კანონს, ვესტუმრეთ ქ. ახალციხის მუნიციპალიტეტის მერიას, სადაც გავესაუბრეთ ქ. ახალციხის მუნიციპალიტეტის მერიის საორგანიზაციო განყოფილების უფროსს-ეკა ბერიძეს.  ქალბატონმა ეკამ დიდი გულისხმიერება გამოიჩინა და ჩვენ მიერ დასმულ კითხვებზეც ამომწურავად გვიპასუხა. მერიაში ბევრგან შევნიშნეთ თამბაქოს მოწევის აკრძალვის ნიშნები და ფოტოებზეც დავაფიქსირეთ.

 ვეწვიეთ აგრეთვე სხვადასხვა კერძო დაწესებულებას: ბანკებს, ოფისებს, კაფეებს. მიუხედავად იმისა, რომ ყველგან გვეუბნებოდნენ, ჩვენთან აკრძალულია მოწევაო, არსად ჰქონდათ თვალსაჩინოდ მითითებული აბრის სახით ეს აკრძალვა...  სამწუხაროოოოდ...

 ჩვენ მათ ვურჩიეთ, რომ მოთხოვნა თვალსაჩინო ადგილას გაეკეთებინათ, ზოგიერთისგან დაპირებებიც მივიღეთ.

 ...თუმცა აღმოვაჩინეთ ერთადერთი კაფე ,,LAVAZZA", სადაც თამბაქოს მოწევის აკრძალვის ნიშანი ჰქონდათ გაკრული.... ამ ფაქტმა იმედი ჩაგვისახა და ცოტა დაგვამშვიდა...ვიღაც მაინც ზრუნავს ჩვენზეეეე...

   ჩვენ ვისურვებდით, რომ რეგიონებში არსებობდეს გარკვეული  ჯგუფები, რომლებიც მონიტორინგს გაუწევდნენ სხვადასხვა საჯარო დაწესებულებებში აღნიშნული კუთხით არსებულ სიტუაციას... (სამწუხაროდ არის ისეთი ადგილები, სადაც ჩვენი აზრით აკრძალული უნდა იყოს მოწევა, მაგრამ ... ).

(აქტივობის ამსახველი ფოტოები  იხ. ფოტოგალერეაში)

დღე მეოთხე

  

  დღეს ქუჩის გამოკითხვა ჩავატარეთ. გამოვკითხეთ სხვადასხვა სქესისა და ასაკის ადამიანები. გამოკითხვაში მონაწილეობაზეც არ უთქვამთ უარი. გამოიკვეთა ისეთი სტატისტიკა, დაახლოებით როგორსაც ველოდით...

    საინტერესოა, იყვნენ კი გულწრფელნი? თუ არ იყვნენ, მაშინ გამოკითხვის სტატისტიკა უფრო უარესი შედეგის გამომსახველი იქნებოდა. 

  ...ასეა თუ ისე, პასიურ მწეველებზე ინფორმაცია ცოტას აქვს, მით უმეტეს პასიური მწეველებისთვის თამბაქოს კვამლის სავალალო შედეგებზე უმრავლესობას არ აქვს სწორი შეხედულება.

   ...გამოკითხვის პროცესი ძალიან დამღლელი იყო, მაგრამ გვიღირდაააა....
  (აქტივობიოს ამსახველი ფოტოები იხ. ფოტოგალერეაში)

დღე მესამე

დღეს დღესასწაულია, ყველას გილოცავთ სვეტიცხოვლობას!

 მიუხედავად იმისა, რომ დღეს სკოლაში არ ვართ, ჩვენ მაინც შევიკრიბეთ, ვემზადებით ხვალინდელი დღისთვის. თუ წვიმამ არ შეგვიშალა ხელი, ქუჩის გამოკითხვას ჩავატარებთ, კითხვებიც ჩამოვაყალიბეთ, იმედი გვაქვს, გულისხმიერი რესპოდენტები შეგვხვდებიან და ჩვენს კითხვებზე პასუხს თავს არ აარიდებენ! გამოიკითხებიან რესპოდენტები სხვადასხვა კატეგორიიდან: მამაკაცები, ქალბატონები, მოზარდები.

ეს კითხვებია:

• ხართ თუ არა თამბაქოს მომხმარებელი?
• არის თუ არა ოჯახის რომელიმე წევრი  თამბაქოს მომხმარებელი?
• ეწევით (ეწევიან) თუ არა ოთახში?
• იცით თუ არა რას ნიშნავს პასიური მწეველი?
• იცით თუ არა რა ზიანს აყენებს პასიურ მწეველს თამბაქოს კვამლი? 

გარდა ამისა, გაგვიჩნდა იდეები, როგორი სახით გავაკეთოთ თამბაქოს ანტირეკლამა...

დღე მეორე

 თამბაქოს კვამლი რა საშინელება ყოფილაააა...  რამდენჯერ აღმოვჩენილვართ მწეველების გარემოცვაში, ვერც კი წარმოვიდგენდით, რამხელა რისკის ქვეშ დაგვიყენებია ჩვენი ჯანმრთელობა...

 არა, ნამდვილად აღარავის მივცემთ უფლებას მოწიონ იქ, სადაც სხვები არ ეწევიან, მითუმეტეს იქ, სადაც ბავშვები იმყოფებიან.

  ინფორმაციის მოძიებისას წავაწყდით ვიდეოფილმებსაც, რომლებმაც ნათლად დაგვანახა თამბაქოს კვამლის საშიშროება  და საკმაოდ შეგვაძრწუნა კიდეც.

აი ერთ-ერთი მათგანი:

 კონსულტაციები გავიარეთ ბიოლოგიის მასწავლებელ, თამარ ჯინჭველაძესთან, რათა არჩეულ პრობლემას ძალიან შორს არ წავეყვანეთ და მისგან მეტად საჭირო რეკომენდაციები მივიღეთ.

 შემდეგ დავინტერესდით, საქართველოში კანონით რამდენადაა დაცული ადამიანი პასიური მოწევისაგან და კითხვით მივმართეთ სამოქალაქო განათლების მასწავლებელს, ლია კუბლაშვილს, იკრძალება თუ არა საჯარო ან კერძო დაწესებულებებში თამბაქოს მოწევა.

ახლა უკვე ზუსტად ვიცით, რას გამოვიკვლევთ ასეთ ორგანიზაციებში ვიზიტის დროს

დღე პირველი

მოგესალმებით!

  ბლოგების კონკურსის ,,პლანეტა თაბმბაქოს კვამლის გარეშე" შესახებ შევიტყვეთ ჩვენი ფიზიკის მასწავლებლისაგან, რომელმაც კონკურსის პირობები, ბლოგის შეფასების კრიტერიუმები და მოსალოდნელი  შედეგები დეტალურად გაგვაცნო, ხოლო რადგან ჩვენ გვქონდა ბლოგის შექმნის და პროექტებზე მუშაობის გარკვეული გამოცდილება, გადავწყვიტეთ კონკურსში მონაწილეობა და შევთანხმდით ჯგუფის შემადგენლობაზე.
   საკითხი, რომელსაც ბლოგის თემა შეეხება, ჩვენი აზრით ძალიან აქტუალური და ამავე დროს საკმაოდ მრავლისმომცველია. რადგან შეფასების კრიტერიუმებში გვირჩევდნენ, რომ იდენტიფიცირებული ყოფილიყო ერთი კონკრეტული პრობლემა, რომლის ირგვლივაც აეწყობოდა ბლოგი, ჩვენ გადავწყვიტეთ საკვლევ თემად აგვერჩია პასიური მწეველებზე თამბაქოს კვამლის გავლენა, ხოლო ბლოგის დასახელებად-,,სიკვდილი, რომელიც ბოლავს".
   მაია მასწავლებელმა გვირჩია, რომ კვლევისთვის პროექტის სახე მიგვეცა.

  შევადგინეთ სამუშაო გეგმა:

• ჯგუფის ელ. ფოსტის შექმნა- pasiurimweveli@gmail.com ;
• ბლოგის პროფილის შექმნა- pasiurimweveli@blogspot.com ;
• ინფორმაციის მოძიება და დახარისხება;
• კონსულტაცია ბიოლოგიის მასწავლებელთან;
• კონსულტაცია სამოქალაქო განათლების მასწავლებელთან;
• კითხვარის შედგენა და ქუჩის გამოკითხვა;
• ვიზიტი საჯარო დაწესებულებაში;
• ვიზიტი კერძო დაწესებულებაში;
• ყველა განხორციელებული აქტივობის ამსახველი მასალის შეგროვება და ფოტოგალერეის შექმნა;
• შედეგების ანალიზი, დასკვნებისა და რეკომენდაციების შემუშავება, ანტირეკლამის გაკეთება;
• ყველა მასალისა და რესურსის განთავსება ბლოგში ჩაშენებულ მოდულებში  

   ძალიან ვეცდებით, რომ ვიყოთ კრეატიულები და გამორჩეულები, იმედი გვაქვს ყველაფერი გამოგვივა!!!